दावोस (23 जानेवारी): (Devendra Fadnavis in Davos) In वर्ल्ड इकॉनॉमिक फोरमच्या मंचावर महाराष्ट्राने ऐतिहासिक सुसंवाद साधला आहे. मुख्यमंत्री देवेंद्र फडणवीस यांच्या नेतृत्त्वाखाली, महाराष्ट्राने दावोसच्या दुसऱ्या दिवशी 15.70 लाख कोटी रुपयांच्या गुंतवणुकीच्या 54 सामंजस्य करारांवर स्वाक्षरी केली आहे. या करारांतून 15.95 लाख रोजगार निर्मितीचा अंदाज व्यक्त करण्यात आला आहे.
या करारांमधील सर्वात मोठा करार रिलायन्स समूहाचा असून, पेट्रोकेमिकल्स, पॉलिस्टर, नवीनीकरणीय ऊर्जा, बायोएनर्जी, हरित हायड्रोजन, ग्रीन केमिकल्स, औद्योगिक क्षेत्रविकास, रिटेल, डेटा सेंटर्स, टेलिकम्युनिकेशन्स, आदरातिथ्य आणि रिअर इस्टेट यासारख्या क्षेत्रांमध्ये रिलायन्स 3,05,000 कोटी रुपयांची गुंतवणूक करणार आहे. या प्रकल्पातून 3 लाख रोजगार निर्माण होणार असल्याचा मुख्यमंत्री देवेंद्र फडणवीस यांनी सांगितले. यावर रिलायन्सचे अनंत अंबानी यांनीही आपल्या वक्तव्याद्वारे हे स्पष्ट केले की, महाराष्ट्राने आपल्याला नवभारताच्या निर्मितीचा भाग बनवण्यास आमंत्रित केले आहे.
दुसऱ्या प्रमुख करारात अ‍ॅमेझॉनने 71,795 कोटी रुपयांची गुंतवणूक करण्याची घोषणा केली आहे. या कराराद्वारे एमएमआर क्षेत्रात डेटा सेंटर्सद्वारे 83,100 नवे रोजगार निर्माण होणार आहेत. यामुळे राज्याच्या विविध भागांमध्ये समतोल विकास साधण्याची आशा आहे.
याव्यतिरिक्त, उद्योग विभागाने 11.71 कोटींचे, एमएमआरडीएने 3.44 लाख कोटींचे आणि सिडकोने 55,200 कोटींचे सामंजस्य करार केले आहेत. यामुळे राज्याच्या विविध क्षेत्रांमध्ये मोठ्या प्रमाणावर गुंतवणूक होईल.
Devendra Fadnavis in Davos मुख्यमंत्री देवेंद्र फडणवीस यांची उच्चस्तरीय भेटी:
दावोसच्या दरम्यान, मुख्यमंत्री फडणवीस यांनी ब्रिटनचे माजी पंतप्रधान टोनी ब्लेअर यांची भेट घेतली. या भेटीमध्ये ऊर्जा आणि सार्वजनिक वाहतूक क्षेत्रात सहकार्याबद्दल चर्चा झाली. टोनी ब्लेअर यांनी लवकरच भारत दौऱ्यावर येण्याची इच्छा व्यक्त केली.
त्याचप्रमाणे, मुख्यमंत्री फडणवीस यांनी ह्युंडई मोटर्सचे कार्यकारी उपाध्यक्ष बम किम यांची भेट घेतली, तसेच डीपी वर्ल्डचे अध्यक्ष सुलतान अहमद बिन सुलाएम आणि भारतातील प्रबंध संचालक रिझवान सोमर यांच्याशीही चर्चाही केली. यावेळी, महाराष्ट्रातील इंडस्ट्रियल पार्क आणि लॉजिस्टिक क्षेत्रात सहकार्याच्या मुद्द्यावर चर्चा करण्यात आली.
हे हि वाचा : विदेशी अधिनियमांतर्गत गुन्हा दाखल करत मिरा रोड मधील ३ बांगलादेशी नागरिकांना अटक
दावोस 2025: सामंजस्य करारांची संपूर्ण यादी
वर्ल्ड इकॉनॉमिक फोरममध्ये 22 जानेवारी 2025 पर्यंत राज्याने केलेल्या सामंजस्य करारांची सविस्तर यादी जाहीर केली आहे. यामध्ये विविध क्षेत्रांतील प्रमुख गुंतवणूकदार आणि कंपन्यांचा समावेश आहे, ज्यांनी महाराष्ट्रात त्यांचे व्यवसाय विस्तारण्याच्या व वित्तीय सहकार्याच्या दृष्टीने करार केले आहेत.
समग्रपणे, या सामंजस्य करारांतून राज्याच्या विविध भागांमध्ये मोठ्या प्रमाणात रोजगार आणि आर्थिक विकासाची संधी निर्माण होईल. मुख्यमंत्री फडणवीस यांचे राज्याला 1 ट्रिलियन डॉलरच्या अर्थव्यवस्थेचे पहिले राज्य बनवण्याचे स्वप्न साकार करण्याच्या दिशेने हे करार महत्त्वाचे पाऊल ठरणार आहेत.
एकूण गुंतवणूक (22 जानेवारी पर्यंत): 15.70 लाख कोटी रुपये
एकूण रोजगार निर्मिती (22 जानेवारी पर्यंत): 15.75 लाख रोजगार
